Google ADS

Nënshkruhet memorandum bashkëpunimi me Federatën e Odave të Emirateve të Bashkuara Arabe

10:35 | 16 Janar 2019
Arbresh.info

Oda Ekonomike e Kosovës në kuadër të Forumit Ekonomik ndërmjet Kosovës dhe Emirateve të Bashkuara Arabe që po mbahet në Dubai, nënshkruajti Memorandum të Bashkëpunimit me Federatën e Odave të Emirateve të Bashkuara Arabe.

Sipas njoftimit për media ky memorandum ka për qëllim nxitjen e investimeve reciproke dhe avancimin e bashkëpunimit ekonomik tregtar si dhe raporteve miqësore në mes dyja vendeve.

Gjithashtu përmes këtij memorandumi synohet promovimi i bashkëpunimit në mes të komunitetit biznesor të Emirateve të Bashkuara Arabe dhe Kosovës.

Në këtë forum ekonomik po marrin pjesë edhe biznese kosovare nga sektor të ndryshëm të cilët në takimet B2B po shfaqin potencialin e tyre dhe po krijojnë lidhje biznesore me biznese nga EBA.

Ky forum duhet të shërbej si pikënisje e bashkëpunimit reciprok me rezultate konkrete në funksion të zhvillimit të qëndrueshëm ekonomik dhe fuqizimit të sektorit privat.

Shpërndaje në rrjete sociale

Lajmet më të lexuara

Të ngjashme

Foto lajm